Фото: Принтскрин
Германските медиуми со жестоки реакции го коментираат начинот на кој српските власти се справуваат со најновиот бран протести во земјата.
Познатата новинарка Зилке Хане, во анализа за информативниот портал на ARD – „Тагешшау“, наведува дека претседателот Александар Вучиќ „го открива своето вистинско лице“ во однос на демонстрациите, истакнувајќи дека на мирните собири им биле спротивставени групи маскирани лица, додека полицијата најчесто останувала пасивна и без реакција.
Според Хане, ситуацијата на улиците се влошувала од ден на ден – насилството постепено ескалирало, а дел од демонстрантите, откако претходно фрлале јајца, преминале кон уништување и палење на простории на политички партии. Таа нагласува дека полицијата на моменти интервенирала, но во практика, „се апселе сите што ќе се појават на улица за време на протестите – без разлика дали биле мирни или не“.
