Фото: Принтскрин
Претседателот на Србија, Александар Вучиќ, во гостување на Дневникот на РТС истакна дека изборите ќе се одржат кога ќе биде потребно, нагласувајќи дека земјата не смее да се води според притисоците на дел од политичките актери кои сакаат власт надвор од изборен процес.
Вучиќ го оцени влијанието на протестите како негативно за економијата и стабилноста на државата и рече дека насилството и уништувањето на просториите на политички партии претставуваат „обојена револуција“. Тој го пофали работењето на полицијата, истакнувајќи дека е трпелива и стои цврсто и покрај нападите.
Претседателот исто така зборуваше за економските мерки што Владата ги планира, со цел зголемување на куповната моќ, заштита на малите и средни претпријатија и намалување на инфлаторниот притисок.
Вучиќ подвлече дека неговиот фокус е на стабилноста и развојот на државата, додавајќи дека „граѓанска војна нема да има“ и дека Србија ќе продолжи да се развива и гради како демократска држава.
