Фото: Принтскрин
Тетовската полиција соопшти дека по инцидентот со огнено оружје што се случи во неделата, вчера биле приведени четири лица – две малолетни и две полнолетни жени на возраст од 19 и 41 година.
Пред апсењето, полициските службеници извршиле претрес на неколку локации, при што пронашле предмети кои, според надлежните, се од значење за натамошната истрага. Случајот продолжува да се истражува со цел целосно расчистување на мотивите и околностите на настанот.
„На 11.08.2025 во периодот од 12:50 до 15:00 часот во с. Гајре, тетовско, согласно судска наредба, а во врска со вооружената престрелка која се случи на 10.08.2025 во Тетово, бил извршен претрес на повеќе локации во с. Гајре, тетовско, при што биле пронајдени предмети кои се од интерес на истрагата. При претресите биле лишени од слобода две женски лица, А.М.(41) и Е.М.(19), како и двајца малолетници на 15 и 17-годишна возраст, сите од с. Гајре. Се преземаат мерки и активности за целосно расчистување на случајот и за пронаоѓање на други лица кои биле инволвирани во престрелката“, соопшти СВР Тетово.
