Фото: Принтскрин
Министерството за внатрешни работи ја стопирало постапката за јавна набавка на регистарски таблички за службените автомобили, откако биле поднесени жалби што моментално се разгледуваат од Државната комисија за жалби, објави 4NEWS.mk.
Во меѓувреме, Владата на Република Северна Македонија донела одлука сите службени возила да бидат обележани со посебни регистарски таблички во специфична боја – најверојатно црвена – кои треба да бидат воведени најдоцна до 15 септември 2025 година. Целта на оваа мерка е да се зголеми транспарентноста и да се спречат евентуални злоупотреби при користењето на државниот возен парк.
Покрај новиот дизајн на табличките, ќе се воспостави и централен електронски регистар на сите државни автомобили.
