ВИДЕО – Избувна пожар во близина на Атина, има загинати лица

Голем пожар што избувна југоисточно од Атина, при што едно лице го загуби животот, и понатаму гори и се шири потпомогнат од силните ветрови. Според грчките медиуми, огнената стихија во поголем дел е ставена под контрола, но на терен сè уште се ангажирани неколку противпожарни хеликоптери, како и воени чамци кои учествуваат во операцијата за гаснење и евакуација.

Пожарот се наоѓа на околу 35 километри од грчката престолнина. Градоначалникот на едно од најпогодените села изјави дека постојат сериозни сомнежи дека станува збор за подметнат оган, бидејќи на местото на избувнувањето е пронајдена плинска боца, а очевидци забележале лице со сомнително однесување на мотоцикл непосредно пред да се појават првите пламенови.

Како мерка на претпазливост, евакуирани беа неколку села, а околу 400 лица беа спасени и пренесени на безбедно. Дел од куќите во погодената област целосно изгореа, а материјалната штета сè уште се проценува. За жал, еден од жителите, чиј дом беше зафатен од пламенот, почина од последиците на пожарот.

🔥 A large wildfire near the Greek capital, Athens, kills an elderly man, forcing evacuations in six areas

🚒 Fire remains out of control despite aerial and ground firefighting efforts as strong winds drive flames pic.twitter.com/v7Bx80OcDx

— Anadolu English (@anadoluagency) August 8, 2025