Фото: Принтскрин
Во тренинг-центарот за пожарникари „Коузон“ во кругот на ОХИС во Скопје започна интензивна обука за новата генерација шумски пожарникари.
Преку практични вежби за гаснење пожари во шумски предели, совладување на терен со качување и спуштање по јажиња, како и часови по прва помош, кандидатите се подготвуваат за едни од најризичните, но и најблагородни задачи – заштита на шумите и животната средина.
Обуката ја следат 34 кандидати од Скопје, дел од вкупно 364 лица од целата држава кои се пријавија на јавниот повик, како дел од мерката на Владата за поттикнување на нови кадри во противпожарната служба.
Во наредните пет месеци, тие ќе добиваат финансиска поддршка во износ од 24.000 денари месечно, а најдобрите ќе добијат можност за постојан ангажман.
