Украина добива пакет од 500 милиони евра: Холандија ќе купува американско оружје за да помогне

Холандија ќе финансира набавка на американска воена опрема за Украина во вредност од 500 милиони евра, со што стана првата членка на НАТО што ја користи новата шема за снабдување, воспоставена по промената на американската политика кон воената поддршка на Киев. Веста ја пренесе „Еуроњуз“, повикувајќи се на официјални извори.

Оваа иницијатива следи откако претседателот на САД, Доналд Трамп, кој неодамна беше реизбран, најави дека американската воена помош за Украина ќе продолжи – но под еден нов услов: европските сојузници ќе мора да ја финансираат испораката на оружје и опрема. Иако детали околу механизмот не беа целосно разјаснети во јули, сега Холандија презема прв чекор кон реализација на тој модел.

Холандскиот министер за одбрана, Рубен Брекелманс, преку објава на социјалната мрежа Икс (поранешен Твитер), ја потврди одлуката и истакна дека се работи за значаен придонес кон одбранбените капацитети на Украина и зацврстување на европската солидарност.

Ukraine needs more air defence and ammunition now.

As the first NATO Ally, the Netherlands will deliver a €500 million package of US weapon systems (incl. Patriot parts and missiles).

This helps Ukraine to defend itself and the rest of Europe against Russian aggression. 🇳🇱🇺🇦 pic.twitter.com/gAxFtUctsU

— Ruben Brekelmans (@DefensieMin) August 4, 2025