Обид за убиство: Еден го бодел со нож, а друг довикувал да го „доврши“

Основното јавно обвинителство во Струга поведе истражна постапка против две лица, осомничени за сериозни кривични дела. Првото лице се товари за сторување на кривични дела обид за убиство и насилство, додека второто е осомничено дека му помогнало на сторителот во реализацијата на обидот за убиство.

„Двајцата осомничени излегле и се упатиле кон оштетените и ги нападнале физички, најпрво удирајќи ги со боксови. Во еден момент првиот осомничен извадил нож и му нанел повеќе убодни рани на оштетениот во стомакот, надлактицата и вратот, со што му предизвикал тешки телесни повреди. За тоа време вториот осомничен извикувал и го поттикнувал да го доврши делото. Сведокот-оштетен се обидел да ги оттргне и да ги спречи, па првиот осомничен и врз него извршил насилство, расекувајќи го со ножот на раката и предизвикувајќи чувство на загрозеност и страв во јавноста“, соопшти ЈОРСМ.