Македонскиот каратист Дејан Недев во исклучително тешка конкуренција го освои бронзениот медал во конкуренција „кати“ на Светскиот карате шампионат кој се одржа во Буенос Аирес.
Недев во конкуренција на 57 каратисти од 44 различни држави го освои третото место на шампионатот, иако можел да постигне уште подобар резултат доколку не бил оштетен од судиите.
„Дејан беше блиску и до златниот медал, но во полуфиналето го оштетија судиите, со оглед на тоа дека неговиот противник од Бразил загуби баланс, но и покрај грешката судиите се решија да му ја доделат победата на Хозе Вивас Сантос“, соопштија од Македонска Традиционална Карате Федерација.
Македонските каратисти ќе настапат на уште едно големо натпреварување, односно Светско првенство во традиционално карате во Перу, кое ќе се одржи во период од 5 до 10 ноември.
