Фото: Принтскрин
Снимка од надзорна камера открива нови детали од тешката сообраќајна несреќа што се случи на автопатот Тетово–Скопје, во која животот го загубија три лица. Видеоматеријалот прикажува моменти непосредно пред судирот, кои сугерираат дека несреќата настанала по ненадејно влегување на патничко возило во спротивната насока на движење, објави „Скопје1“.
На видеото се гледа како автомобилот, марка „Опел Астра“, се движи со намалена брзина по првата (десна) сообраќајна лента. По кратко време, возачот неочекувано свртува налево, пресејкувајќи ги другите сообраќајни ленти и влегувајќи на лента резервирана за возила кои се движат во спротивниот правец. Во тој момент, по средната лента се движи цистерна, која за среќа успева да ја избегне несреќата.
Но, само неколку секунди подоцна, од левата лента наидува автобус кој, и покрај обидот за избегнување преку нагло свртување, не успева да спречи директен судир со „Опелот“. Уште едно возило, кое се движело зад автобусот, успева навреме да маневрира и да избегне дополнителен удар.
Видеото е вознемирувачко и може да се погледне ТУКА.
