Фото: Robert Stojanov/Grcka Info
Силно невреме проследено со обилни врнежи дожд предизвика големи проблеми во делови од Халкидики, при што најмногу беше погодено летувалиштето Неа Флогита. Според сведоштвата на членови од Фејсбук групата „Грчка Инфо“, кои се наоѓаат на лице место, улиците во местото се најдоа под вода, а некои делови станаа речиси непроодни.
Фотографиите што беа споделени на социјалните мрежи покажуваат поплавени површини и насобрана вода која го отежнува движењето на возилата и пешаците. Очевидци информираат дека водата се слева многу брзо и се задржува на повеќе локации низ градчето.
