Фото: МВР
Во координирана акција на полицијата спроведена во ноќните часови меѓу 25 и 26 јули 2025 година, на локалниот пат од селото Миравци кон локацијата позната како „Бел Рај“ во општина Гевгелија, полициски службеници од СВР Струмица – ОВР Гевгелија привеле вкупно 12 лица поради сомнение за поседување на недозволени супстанции.
„Приведените се лица на возраст од 20 до 38 години, со потекло од повеќе градови низ државата – Скопје, Кавадарци, Неготино, Радовиш и Берово. Станува збор за: Б.Ј. (25), С.Н., М.К. (31), Н.М. (20), А.И. (24), Ф.П. (22) и Д.Б. (34) – сите од Скопје; Г.А. (21) и Т.Ј. (38) од Кавадарци; К.П. (21) од Неготино; П.З. (38) од Радовиш и Е.Ј. (22) од Берово.
При извршени полициски контроли во осум одделни случаи, биле пронајдени пакувања со марихуана, како и четири таблети со виолетова боја. Недозволените супстанции биле откриени при преглед на самите лица и во возилата со кои се превезувале.
За случајот е известен јавен обвинител од Основното јавно обвинителство Гевгелија, а по целосно документирање на настаните, против сите инволвирани ќе бидат поднесени соодветни кривични пријави“, се вели во соопштението.
