80-годишниот А.И. пријавил во СВР Тетово дека во 2017 година, без негово знаење, Тетовскиот основен суд донел пресуда врз основа на лажни докази и факти.
Според неговата пријава, во судот биле поднесени лажни докази дека тој починал, а целата постапка била спроведена од адвокат кој приложил фалсификувано полномошно, претставувајќи се како негов и застапник на неговата ќерка.
„На 24.10.2024 во 15.20 часот во СВР Тетово, А.И.(80) од тетовско пријавил дека во текот на 2017 година без негово присуство во Основен суд Тетово била донесена пресуда со лажно прикажување на факти и докази. Според пријавеното, во судот биле приложени лажни докази дека тој бил починат, а воедно од адвокат биле поднесени лажни докази – фалсификувано полномошно дека бил негов застапник и застапник на неговата ќерка. Како што е пријавено, по донесувањето на пресудата со лажните докази Н.Ш. од истото село ја доставил пресудата во Агенција за катастар на недвижности-Тетово и неговиот имот бил префрлен на името на Н.Ш.“, соопшти МВР.
Се преземаат мерки за расчистување на случајот.
