Уапсено момче со потекло од Македонија – планирало напад во Австрија!

Во австрискиот град Леобен, во покраината Штаерска, бил уапсен 18-годишно момче со македонско потекло, осомничен дека планирал терористички напад. Според извештаите на австриските медиуми, осомничениот пребарувал онлајн инструкции за изработка на импровизирани експлозивни направи и развивал сценарија за потенцијални напади насочени кон државни институции.

Австриската полиција информираше дека младиот човек е идентификуван како симпатизер на терористичката организација Исламска држава (ИД), што дополнително ги засилило сомнежите за сериозна закана по јавната безбедност. Истрагата била поттикната од оперативни сознанија, по што јавниот обвинител издал наредба за апсење. Апсењето било извршено во неделата, во близина на неговото живеалиште, веднаш по неговото враќање од семејно патување во Македонија.

Иако во првичната изјава тинејџерот ги негирал обвиненијата и тврдел дека немал намера да изврши насилен чин, надлежните органи нагласуваат дека тој веќе бил евидентиран како ризичен профил од страна на безбедносните служби.