Фото: Сашко Кедев
Д-р Сашко Кедев утрово го запиша своето име во историјата, откако успешно се искачи на врвот Гашербрум I (8.080 метри) во Пакистан, со што стана првиот Македонец што ги има освоено сите 14 светски врвови повисоки од 8.000 метри, како и највисоките точки на сите седум континенти.
Искачувањето се случи во 10:44 часот по локално време, во рамки на меѓународната експедиција организирана од „Imagine Nepal“, екипа составена од врвни непалски водичи. Заедно со Кедев, на врвот се искачија и Ванг Жонг од Кина, како и искусните непалски алпинисти Дава Гјалје Шерпа и Нгима Нуру Шерпа.
