(Фото) Антонио истрча 600 км до Острог во чест на децата болни од рак и на неговата мајка

Антонио Пандевски ја оствари својата хумана и лична цел – успешно истрча 600 километри од Скопје до манастирот Острог во Црна Гора. Со овој подвиг тој им оддаде почит на децата кои секојдневно се борат со тешката болест рак, но и ја исполни последната желба на својата мајка – да стигне до светиот манастир.

Маршрутата ја помина за 17 дена, со поддршка од фондацијата „Ице Бегов“ од Гевгелија, како и од неколку компании со изразена општествена одговорност.

„Ден 18 ПОБЕДА ОСТРОГ! Мајко…
Стигнав. Уште малку сила ми остана, ама срцето е полно. Твојот сон сега е мое дело.
Секоја солза, секоја болка, секој камен под моите нозе вредеше. Го положив мојот подвиг пред Острог. И ти го посветив тебе.
И на сите мали срца што се борат за живот.
Нека знаат љубовта не запира. И јас нема да застанам“, напиша Антонио.