(Видео) Семејствата на загинатите во Кочани го исвиркаа градоначалникот – откажан е најавениот концерт

В.Д. градоначалникот на Кочани, Венко Крстевски, синоќа се соочи со револтот на граѓаните кои изгубија блиски во трагичниот пожар што се случи во импровизираната дискотека „Пулс“.

Пред почетокот на протестот што го организираа семејствата на настраданите, Крстевски пристигна на местото на собирот, каде што беше пречекан со свирежи и свртен грб – симболичен чин на незадоволство од одлуката на локалната самоуправа.

Поводот за протестот беше најавената музичка програма по повод Петровден – неофицијалниот ден на градот, кој се одбележува на 12 јули. Овој потег беше оценет како крајно непримерен од страна на семејствата на загинатите, особено ако се има предвид дека трагедијата во „Пулс“ е сè уште жива рана за заедницата.

Видео: Гласно.мк