Фото: Принтскрин
Политичката тензија меѓу Скопје и Софија повторно се разгори, откако бугарскиот министер за надворешни работи, Георг Георгиев, во јавноста го нарече македонскиот премиер Христијан Мицкоски – „северномакедонски премиер“, што предизвика бурни реакции во Скопје.
Како одговор, премиерот Мицкоски возврати со алузија споредена со една од басните на Езоп: „Како глушецот кога го задева лавот“, алудирајќи дека Бугарија, и покрај својата провокативност, нема реална моќ да ѝ наштети на Македонија.
Тој исто така порача дека вистинскиот центар на одлучување во Бугарија не се наоѓа во владата, туку зад неа, додавајќи дека Георгиев само извршува инструкции со цел намерно провоцирање.
Во меѓувреме, бугарскиот претседател на парламентот, Росен Желјазков, побара од Мицкоски да најде начин да се извини за своите изјави, оценувајќи ги како непримерни.
