Фото: Принтскрин
Градот Сплит утрово беше зафатен од нагло и силно невреме што за кратко време предизвика вистински колапс на улиците.
Небото одненадеж се помрачи, а обилен дожд проследен со силни грмежи и бурен ветер го зафати целиот град.
Ветерот рушеше дрвја и гранки, улични корпи и контејнери беа расфрлани низ улиците, а од неколку згради паднаа лимени делови и делови од фасади, пренесува порталот „Далмација Данас“.
Граѓаните беа затечени од ненадејниот развој на ситуацијата, додека службите за итни интервенции беа ставени на терен за отстранување на последиците.
Невремето притоа потопи еден брод, а оштети и голем број автомобили.
