Фото: Принтскрин
Вечерва се одржува големото суперфинале на регионалното музичко шоу „Ѕвездите на Гранд“, а Македонија со гордост ќе ја претставува талентираниот Никола Станишиќ. Младиот пејач влезе меѓу најдобрите финалисти и ќе се бори за титулата победник пред милионска публика.
Во пресрет на финалето, се огласи и Ѓорѓе Давид, еден од највпечатливите членови на жирито, кој отворено го посочи Станишиќ како свој личен фаворит за победа.
„Според мене, Никола Станишиќ е најголемиот фаворит. Тој е единствениот претставник од Македонија, и верувам дека има сè што е потребно за да победи“, изјави Ѓорѓе.
