Фото: Принтскрин
Премиерот Христијан Мицкоски, на заедничката прес-конференција со еврокомесарката за проширување Марта Кос, јасно истакна дека Македонија нема да прифати никакви наметнувања кои се претставуваат како дел од европскиот процес.
„Нашата држава чекори со отворено срце и разум, но се противиме на уцените кои не се дел од европските вредности. Европа е дом на правото, на правдата, на достоинството. Тоа се вредностите што ги прифаќаме, сè друго е туѓо за ЕУ и туѓо за нас. Нашите реформи не се декорација. Тие се потреба. Ќе се движиме самите, со сопствената волја, конкретен план и визија. Ќе испорачуваме резултати и ќе го следиме европскиот пат по сопствен избор“, вели Мицкоски.
