(Видео) „Парите се во асфалт, а не во џебови, пуштен е експресниот пат Фариш – Дреново“, вели Мицкоски

Со официјалното пуштање во употреба на експресниот пат Фариш – Дреново, долг 10,2 километри и вреден речиси 45 милиони евра, се заокружува значаен инфраструктурен проект кој, според премиерот Христијан Мицкоски, претставува директна инвестиција во безбедноста, развојот и иднината на регионот и државата во целина.

„Денес го пуштаме во употреба експресниот пат Фариш- Дреново, во должина од 10,2 километри, со вредност од речиси 45 милиони евра- проект што е директна инвестиција во развојот, безбедноста и иднината на овој регион, на државата, на секој граѓанин. Овој пат е од витално значење и за Кавадарци, и за Прилеп, и за Битола, и за Ресен, и за сите општини од Пелагонија. Овие пари, како во минатото, по принципот како до сега, не завршија во нечии џебови, не исчезнаа во провизии, тендери и фиктивни договори. Туку се тука, пред вас. Во асфалтот. Во оваа делница“, кажа премиерот.