Фото: Принтскрин
Познатиот српски водител и продуцент Жика Јакшиќ неодамна беше итно примен во болница поради ненадејно влошување на здравствената состојба, што предизвика загриженост кај неговите обожаватели и колеги. По неколку дена поминати под внимателен медицински надзор, Јакшиќ е пуштен на домашно лекување и, според блиски извори, неговата состојба е стабилизирана.
„Жика е дома веќе два дена. Сè уште е во фаза на опоравување, па затоа одлучи да се повлече од јавноста и да се одмора. Сепак, планира да се појави на големото финале на шоуто ‘Никогаш не е доцна’ оваа недела,“ изјавил извор блиски до продукцискиот тим за српските медиуми.
Иако има желба да се врати на сцена, лекарите му препорачале крајна претпазливост и апсолутен одмор, барем додека не закрепне целосно. Според информациите што ги пренесува српскиот медиум „Информер“, симптомите поради кои бил хоспитализиран се појавиле ненадејно и биле доволно сериозни за веднаш да биде задржан на болничко лекување.
