(Видео) Избувна пожар во стан во Делчево – се слушна и експлозија

Ноќеска околу 00:20 часот во делчевската зграда позната како „Брод“, лоцирана на булевар „Македонија“, избувнал пожар кој целосно зафатил еден од становите.

За среќа, во инцидентот нема потешко повредени лица, но едно лице било превентивно транспортирано во Општата болница во Делчево од страна на екипа на Итната медицинска помош за дополнителни лекарски прегледи.

На местото на настанот интервенираа три противпожарни возила и повеќе пожарникарски екипи од Територијалната противпожарна единица (ТППЕ) Делчево, кои заедно со припадници на полицијата успешно го локализираа и изгаснаа пожарот. Според податоци од ТППЕ Делчево, огнот бил ставен под контрола и целосно изгаснат нешто по 01:30 часот по полноќ.

Видео: delcevo365.mk