Фото: Принтскрин
Американскиот претседател Доналд Трамп денес присуствуваше на историскиот Самит на НАТО во Хаг, каде што лидерите на земјите-членки постигнаа согласност за значително зголемување на одбранбените трошоци – со цел да достигнат 5% од бруто-домашниот производ до 2035 година.
На прес-конференцијата по завршувањето на самитот, Трамп се соочи со директно прашање од новинар на австриската национална телевизија, кој се осврна на една од неговите порано дадени изјави.
Трамп веднаш го прекина: „Секако дека беше саркастично.“ Но новинарот продолжи: „Веќе сте претседател пет месеци и пет дена. Зошто сè уште не ја запревте војната во Украина?“
Трамп одговори со необично искрена изјава:
„Затоа што е многу потешко отколку што повеќето можат да замислат. Ситуацијата со претседателот Путин беше комплексна. Да бидам искрен, имав и одредени недоразбирања со претседателот Зеленски – можеби сте читале за нив. Ова не е како другите конфликти, многу е посложено.“
Тој потоа се пофали со дипломатски успеси на други фронтови:
„Го запревме конфликтот меѓу Србија и Косово… Србија сакаше да продолжи… За само 12 дена ставивме крај на војна што се подготвуваше 30 години“, кажа тој.
