Фото: Принтскрин
Огромен пожар избувна во местото Писак на крајниот исток во Далмација, а изјавите на шефот на противпожарната служба ги загрижија жителите.
Пожарот избувнал нешто по шест часот изутрина во саботата. Гори шума над магистралниот пат, а во местото во саботното утро исчезнала и електричната енергија.
Шефот на пожарникарите изјави дека пожарот се разгорува.
„Пожарот е во фаза на разгорување, немаме контрола. Спасуваме куќа по куќа, сè е во опасност. Целата општина е мобилизирана за да помогне“, изјави за Хрватското радио командантот на Доброволното противпожарно друштво Омиш.
