Фото: Принтскрин
Од вечерва на полноќ стапуваат на сила новите цени на горивата, согласно најновата одлука на Регулаторната комисија за енергетика. Според усвоената одлука, доаѓа до зголемување на цените на неколку видови гориво.
Цената на ЕУРОСУПЕР 95 се зголемува за 1,5 денари и од утре ќе изнесува 76 денари за литар. Истото покачување од 1,5 денари важи и за ЕУРОСУПЕР 98+, кој ќе се продава по 78 денари за литар. ЕУРОДИЗЕЛ, исто така, поскапува за 1,5 денари и новата цена ќе биде 67,5 денари по литар.
Од друга страна, единствено поевтинување бележи Екстралесното масло за домаќинство, кое се намалува за 1 денар и ќе се продава по цена од 67,5 денари за литар. За разлика од него, цената на мазутот бележи раст од 1,3 денари и ќе изнесува 39,8 денари по килограм.
