Непријатен инцидент ја прекина телевизиската програма во живо во Србија, откако новинарка на Радио-телевизија Војводина беше удрена од автомобил додека известуваше од Стара Пазова.
Снимката од необичната ситуација за кратко време се прошири на социјалните мрежи и привлече големо внимание кај корисниците.
Додека новинарката го извршувала своето професионално известување, автомобил кој излегувал од паркинг-простор ненадејно се движел кон неа и ја удрил. Она што дополнително ја шокирало ситуацијата е фактот што возачот не застанал, туку продолжил да вози, оставајќи ја новинарката збунета и затекната пред камерите.
На видеото може да се забележи нејзината реакција по ударот, додека се обидува да се тргне од местото на настанот.
По случката, новинарката, која на социјалната мрежа Икс настапува под прекарот „Мокош“, се осврна на инцидентот, потсетувајќи се дека и претходно доживеала необична ситуација за време на телевизиско вклучување во живо.
Таа сподели дека пред многу години, во истата емисија и на истата телевизија, додека ја читала временската прогноза, зад неа се случила прилично непријатна сцена – куче повратило пред камерите.
„Единствената разлика е што тогаш не ме удри автомобил, туку зад мене куче повраќаше пред камерата“, напишала таа.
Веста ја пренесува Index.hr
