Фото: Принтскрин
Русија не сака преговорите за завршување на војната во Украина да се ограничат само на прашањето за украинските територии.
Москва инсистира на поширок договор за идната безбедносна архитектура на Европа, со кој би се ограничило военото присуство на НАТО во Источна Европа и би се промениле односите меѓу Русија и западните земји.
Меѓу главните руски барања е Украина да се откаже од членството во НАТО, како и да прифати ограничувања на големината и капацитетите на својата армија.
За возврат, Русија наводно нуди одредени потези. Нуклеарното оружје од Белорусија би можело да биде повлечено, со ветување дека во иднина во земјата нема да се распоредуваат ниту ракети со среден домет. Исто така, се најави можноста за повлекување на руските трупи од сепаратистичкиот регион во Молдавија.
