Според информациите од Министерството за внатрешни работи, полициската интервенција се случила на 9 ноември, околу 18:40 часот, на пешачката патека покрај реката Вардар, во скопската населба Ѓорче Петров.
При извршениот преглед кај 19-годишникот била пронајдена и одземена марихуана, по што тој бил лишен од слобода.
Постапката продолжила со претрес во неговиот дом и други простории, за што претходно била обезбедена судска наредба. Таму полициските службеници пронашле бела прашкаста материја, како и парични средства, кои биле одземени.
Од МВР најавуваат дека по завршувањето на постапката за документирање на случајот ќе следува соодветна пријава против младото лице.
Фото: МВР
