Тешка сообраќајна несреќа се случила во скопската околина, во близина на Стопански Двор, при што три лица биле повредени, а две од нив се здобиле со сериозни телесни повреди.
Според полициските информации, судирот бил пријавен на 7 ноември, околу 23:30 часот. Во несреќата учествувале два автомобила – „сеат“, кој го управувал 17-годишен скопјанец, и „пежо“, управуван од 52-годишен жител на Делчево.
Најтешки последици од судирот претрпеле малолетниот возач на „сеат“ и неговиот сопатник со иницијали Б. А., кај кои биле утврдени тешки телесни повреди. Возачот на вториот автомобил, пак, поминал со телесни повреди.
Сите повредени биле пренесени на лекарски преглед, а повредите биле евидентирани во Клиничкиот центар „Мајка Тереза“ и Градската општа болница „8 Септември“.
По несреќата, на терен излегла полициска екипа од СВР Скопје, која извршила увид за утврдување на околностите под кои дошло до судирот.
Веста ја пренесува Skopje1.mk
Видео: Kerim Ademii
