Европскиот спорт е завиен во црно по трагичната вест за смртта на младата шпанска атлетичарка Хулијета Гаљего, која го загуби животот во тешката железничка несреќа во близина на Урда, во шпанската покраина Толедо.
Само 24 години имаше младата спортистка, која пред себе имаше уште многу спортски предизвици и можности за големи успеси. Таа беше меѓу жртвите во катастрофалниот судир на возовите на железничките компании „Ренфе“ и „Ирио“, во несреќа со вкупно 69 загинати.
Гаљего важеше за перспективна атлетичарка, специјализирана за скок во далечина, а настапуваше за мадридскиот клуб АД Спринт. Со својата посветеност и талент постепено го градеше своето место во атлетиката, оставајќи впечаток на спортистка со голем потенцијал.
Особено потресен е фактот што неодамна имала повод за славење. На 9 октомври го одбележала својот 24. роденден, не ни претпоставувајќи дека нејзиниот живот ќе заврши толку ненадејно.
Иако во текот на оваа сезона престојувала во Германија, нејзината поврзаност со шпанската атлетика останала силна. Продолжила да настапува на клупските натпреварувања во Шпанија, носејќи го дресот на клубот со кој беше спортски поврзана.
Зад себе оставила и забележителни спортски резултати. Нејзиниот најдобар личен резултат во скок во далечина изнесувал 5,90 метри – достигнување што сведочи за нејзиниот талент и вложениот труд.
Веста ја пренесува Glamur.mk
