Силни воздушни налети од северозапад ќе го зафатат регионот денеска, 26 октомври, поради што е активиран метеоаларм. Според метеоролошките најави, на одделни локации брзината на ветерот ќе достигнува, па и ќе надминува 60 километри на час.
Поради ваквите временски услови, се препорачува зголемена претпазливост при престој на отворено, особено на локации каде што ветерот може да предизвика посилни и ненадејни налети.
Внимателност се советува и за возачите, кои треба да ја приспособат брзината на условите на патот. Дополнителен ризик претставуваат дрвјата, градилиштата, рекламните табли и другите предмети што поради силниот ветер може да се разлабават, поместат или да паднат.
Граѓаните се повикуваат да ги следат временските известувања и да преземат соодветни мерки за лична безбедност додека трае неповолната временска состојба.
Веста ја пренесувс 4news.mk
