Вознемирувачки кадри од францускиот град Каен предизвикаа бројни реакции на социјалните мрежи. Снимката се појавува во период на протести и блокади во повеќе делови од Франција, во кои учествуваат средношколци.
Според информациите што кружат за видеото, тоа било снимено во населбата Grâce-de-Dieu. На кадрите се забележува повозрасна жена која стои на балкон и држи пиштол, додека непосредно под неа се наоѓаат ученици кои протестираат.
Во објавите со кои се споделува снимката се тврди дека жената им упатувала закани на присутните ученици и им велела дека ќе пука. Во еден момент на видеото се гледа и лице кое се обидува да ја смири ситуацијата.
Сепак, околностите околу настанот засега не се целосно разјаснети. Нема независна потврда што точно се случувало пред снимањето и за време на инцидентот, ниту пак се потврдени информации за тоа дали полицијата презела мерки против жената.
Веста ја пренесува Signal.mkd
