Вчера беше посебен и емотивен ден за семејството на познатиот македонски фолк-пејач Јордан Митев. Неговиот син Кристијан го одбележа својот прв роденден, а радоста беше уште поголема бидејќи на истиот ден го прими и светото крштевање.
За семејството, овој важен момент има посебна симболика, особено што прославата се совпадна со празникот Крстовден.
Јордан Митев не ја сокри својата среќа, па по повод големиот семеен ден објави фотографија со своите најблиски пред црквата. Гордиот татко испрати и искрена порака до својот син, исполнета со љубов, вера и најубави желби за неговата иднина.
„Сине мој, нека ти е честито и благословено светото крштевање, нека ти е вечно името и среќен 1-ви роденден. Господ секогаш нека биде со тебе и нека те води по правиот пат. Сè што сакав друго да ти кажам и да ти посакам го има во песната што ти ја посветив за да секогаш те потсетуваат моите зборови. Амин.“
Со оваа емотивна објава, пејачот сподели дел од семејната среќа со своите следбеници, кои веднаш упатија честитки и убави желби до малиот Кристијан.
Веста ја пренесува Glamur.mk
