Македонија го прегази Израел и се збогува со Европското првенство

Македонската одбојкарска репрезентација со победа го заврши настапот на Европското првенство, откако во последниот натпревар од групната фаза го совлада Израел со убедливи 3-0.

Нашите одбојкари славеа по сетови 25-21, 25-23 и 25-22 во арената „8888“ во Софија, со што стигнаа до првиот триумф на шампионатот.

Израел подобро го отвори мечот, но Македонија брзо го презеде водството и дојде до предност од 12-7. Иако противникот успеа да израмни на 19-19, македонската селекција беше посигурна во завршницата и го освои првиот сет.

Во вториот дел Македонија повторно имаше контрола над резултатот и поведе со 16-12, а предноста ја задржа до конечни 25-23.

Третиот сет донесе слична слика. Израел имаше свои добри моменти, но македонските одбојкари не дозволија пресврт и со 25-22 го затворија натпреварот.

Фото: ОФМ/Вангел Тануровски