Македонската академска и образовна јавност остана без уште еден значаен професор и педагог. На 8 септември 2026 година почина проф. д-р Зоран Велковски, редовен професор на Институтот за педагогија при Филозофскиот факултет во Скопје.
Веста со длабока тага ја споделија од Филозофскиот факултет, од каде што се простија од професорот кој со години беше дел од развојот на педагогијата и образованието во земјава.
Велковски остави значаен печат во академската средина, особено во областа на образованието на возрасните и андрагогијата. Неговата професионална работа опфаќаше научни трудови, авторски дела и учество во бројни проекти, а неговиот ангажман придонесе и за развојот на овие области надвор од границите на Македонија.
Во текот на својата кариера извршувал и повеќе одговорни функции, со што активно учествувал во унапредувањето на образовниот систем и академската дејност.
Од Филозофскиот факултет посочуваат дека со неговото заминување институцијата загубила не само истакнат професор, туку и човек кој оставил трага кај своите колеги, студенти и соработници.
До семејството, пријателите, колегите и сите кои го познавале проф. д-р Зоран Велковски упатуваат искрено и длабоко сочувство.
Веста ја пренесува Direkten.mk
