Посебен повод за семејна прослава имаше во домот на Дарко Панчев, кој го одбележа својот роденден во друштво на најблиските.
Атмосферата од прославата ја сподели неговата постара ќерка Надица, која на социјалните мрежи објави фотографии и видео од убавиот момент.
Од снимките може да се забележи дека роденденот бил одбележан во пријатна и опуштена атмосфера во ресторан. Во еден момент, на масата пристигнува десерт со запалена свеќичка, а Панчев со насмевка го пречекува изненадувањето.
Надица, пак, покрај објавените кадри напиша само кратко: „Најсреќен“.
Роденденот на Панчев беше повод за бројни честитки од неговите пријатели, обожаватели, но и од спортските клубови со кои е поврзан во текот на својата богата кариера.
Сепак, најмногу внимание привлекоа честитките од неговите најблиски – сопругата Маја Гроздановска-Панчева и ќерките Надица и Марија.
Надица сподели емотивна порака посветена на својот татко, во која му се заблагодари за љубовта, поддршката и сигурноста што ѝ ја дава низ годините, посакувајќи му пред сè здравје и уште многу среќни години.
Нејзината помлада сестра Марија, пак, одлучи да сподели фотографија од минатото. На неа е овековечен Панчев од периодот кога Марија била само бебе, а тој ја држи во своите раце. Со фотографијата таа едноставно напиша: „Те сакам“.
Веста и фотографиите ги пренесува Glamur.mk
