Пејачката Ксенија Кнежевиќ го доживеа еден од најважните моменти во својот живот – стана мајка. Таа и нејзиниот долгогодишен партнер Никола Тодоровиќ ја добија својата прва ќерка, на која ѝ го дадоа името Матеа.
Името кое го избрале за своето девојче има библиско потекло и носи убаво значење – „дар Божји“.
Радосната вест особено го израдува и дедото на новороденчето, познатиот пејач Ненад Кнежевиќ Кнез, кој не ја крие својата среќа по доаѓањето на внучката.
„Матеа ни дојде на свет. Сите сме пресреќни и возбудени. Малку се пролонгираше, влезе во деветтиот месец, а утрово почнаа породилните болки. Ја видов на фотографија, бебето е преслатко“, изјавил гордиот дедо.
Иако е познато лице, Ксенија во текот на бременоста внимателно ја чуваше приватноста. Јавноста дозна дека го очекува своето прво дете дури во март годинава, кога самата откри дека веќе се наоѓа во петтиот месец.
Тогаш пејачката сподели дека бременоста била изненадување за неа и партнерот, но дека двајцата биле исклучително среќни по сознанието дека ќе станат родители.
Таа откри и дека бременоста ја поднесувала одлично и немала проблеми со утрински мачнини.
Доаѓањето на бебето донесе и промена во плановите на Ксенија и Никола. Двојката претходно планирала да се венча во мај, но поради приновата одлучиле свадбата да ја одложат.
Нивната љубовна приказна доби ново поглавје откако Никола ја запроси Ксенија за време на романтично патување на Санторини. Наместо свадбените подготовки, сега нивното внимание е насочено кон најубавата улога досега – родителството.
Веста ја пренесува Blic.rs
