Вознемирувачко видео од Бразил предизвика низа реакции на социјалните мрежи. На снимката се гледа четиригодишно девојче кое плаче додека возрасно лице на груб и насилен начин се обидува да ѝ ја исчешла косата.
Случајот привлече внимание во Буритикупу, во сојузната држава Маранјао, по што локалниот Совет за заштита на децата интервенирал со цел да се обезбеди сигурноста на девојчето.
Од надлежната институција информирале дека се преземени мерки во согласност со бразилските прописи за заштита на децата и адолесцентите. Случајот е пријавен до соодветните служби, кои треба да ги утврдат сите околности поврзани со настанот.
Според достапните информации, девојчето во моментов престојува кај својот татко и бабата од таткова страна.
Надлежните најавиле дека состојбата ќе продолжи внимателно да се следи. Доколку истрагата покаже дека биле прекршени правата на детето, ќе бидат преземени дополнителни мерки согласно законот.
Веста ја пренесува Podzemje.mk
