Србинот кој „леташе“ низ Македонија со 160 км/ч: Ме држеа седум часа на граница

Српски државјанин доби казна од 3.000 евра затоа што два пати возел со двојно поголема брзина од дозволената, но тој за српските медиуми се пожали на третманот во Македонија, иако неговото возење предизвика кривично дело „безобѕирно управување со моторно возило“.

Србинот Д. П. од Чачак за „Блиц“ вели дека бил во возилото со две малолетни деца, а прво се задржал четири часа на границата Евзони – Богородица, па потоа седум часа на Табановце поради прекршоците.

„Радарите кај Демир Капија двапати ме снимија како возам со двојно поголема брзина од дозволената во тунелот. Камерите се поставени веднаш на излезот од тунелот, каде што ограничувањето е 80 километри на час, додека штом ќе излезете од тунелот, ограничувањето е 130 км/ч.

Јас ја платив казната бидејќи сум свесен за прекршокот што го направив и навистина поминав низ пекол. Затоа сакам да апелирам до сите возачи кои патуваат низ Македонија строго да внимаваат на ограничувањата на брзината, за да не поминат низ истото искуство како мене“, порача Д. П.

Целиот текст прочитајте го на српски „Блиц“.