Фото: Карате Федерација на Македонија
Матеј Белистојаноски е новиот медитерански шампион во кумите до 67 килограми, откако македонскиот каратист одигра одличен турнир во Таранто и заслужено стигна до златниот медал.
Во борбата за најсјајното одличје, Белистојаноски имаше сигурен настап и со убедливи 6-0 го совлада Хрватот Боран Берак. Со оваа победа, тој стави точка на одличниот ден и се искачи на врвот на подиумот.
Патот до финалето за македонскиот претставник започна со победа над Мустафа Алмасламех со 6-1. Во следната рунда Белистојаноски беше подобар од Лука Мареска со 2-0, а во полуфиналната пресметка славеше и против Георгиос Балиотис, со резултат 5-1.
