Во средиштето на големата природна катастрофа во Непал се случи вистинско чудо. Деведесет и четиригодишната Гунакесари Бохара била пронајдена жива под урнатините на дом за стари лица во областа Расува, иако објектот бил речиси целосно разурнат од силните поплави и свлечишта.
По долгата и тешка потрага, припадници на непалската армија успеале да стигнат до неа и да ја извлечат од урнатините. Веднаш потоа, Бохара била пренесена во Катманду, каде што продолжило нејзиното лекување и медицинскиот надзор.
Според досегашните информации, таа е единствената личност која преживеала од оние што во моментот на несреќата се наоѓале во објектот. Нејзиното спасување предизвика големо внимание, а лекарите го оценуваат како исклучително редок и неверојатен случај на преживување.
Приказната за 94-годишната жена веќе се смета за еден од највпечатливите моменти од спасувачките операции по разорните природни непогоди што го погодија регионот.
Веста ја пренесува Podzemje.mk
