Празничната атмосфера во охридското село Пештани вчера била нарушена откако дошло до физичка пресметка меѓу дел од присутните на концертот на македонската пејачка Сузана Гавазова.
Настанот се одржувал во рамки на прославата по повод Успение на Пресвета Богородица, познато како Голема Богородица, но наместо мирна и весела вечер, присутните биле сведоци на инцидент кој го прекинал музичкиот настан.
Ситуацијата дополнително се искомплицирала откако во истиот период дошло и до прекин на електричната енергија. Местото каде што се одржувала прославата останало без осветлување, што дополнително ја отежнало ситуацијата.
На терен пристигнала полицијата, а поради мракот службениците користеле батериски ламби додека ја обезбедувале локацијата и интервенирале по физичката пресметка.
Совпаѓањето на двата настана предизвикало дополнително внимание кај присутните, особено поради тоа што прекинот на струјата се случил практично во моментот кога настанала тепачката.
Засега нема потврда дека прекинот на електричната енергија бил поврзан со инцидентот. Не се познати ниту причините поради кои дошло до прекин на снабдувањето со електрична енергија.
По случувањата, концертот бил прекинат, со што предвреме завршила и празничната програма во Пештани.
Веста ја пренесува Newz24live.com
