Федералната управа на полицијата спроведува голема оперативна акција во областа Дрежница, во Херцеговина, по сознанија дека на повеќе локации се одгледувал канабис.
Акцијата се реализира под надзор на Кантоналното обвинителство на Херцеговачко-неретванскиот кантон и врз основа на наредба издадена од Кантоналниот суд во Мостар.
Од полицијата информираат дека до сознанијата дошле по повеќемесечна и детална оперативна работа. Според досегашните информации, биле идентификувани неколку локации на кои се наоѓаат насади со поголем број растенија од видот Cannabis sativa L.
На терен моментално се вршат претреси, а полициските екипи ги пронаоѓаат и документираат насадите. Во тек се и други активности предвидени со закон, со цел да се обезбедат докази и да се утврдат сите околности поврзани со случајот.
Повеќе детали за акцијата и евентуалните пронајдени количини се очекуваат по завршувањето на теренските активности.
Веста ја пренесува Crnahronikabih.
