Од полноќ возачите ќе треба да издвојат повеќе пари за гориво. Регулаторната комисија за енергетика донесе одлука за зголемување на малопродажните цени на нафтените деривати, кои во просек поскапуваат за 4,85 проценти.
Најголемо зголемување има кај дизелот, чија цена се зголемува за 6,50 денари за литар. Така, од 18 август од 00:01 часот, максималната малопродажна цена на ЕУРОДИЗЕЛ БС ќе изнесува 98 денари за литар.
Поскапување има и кај бензините. ЕУРОСУПЕР БС-95 ќе се продава по максимална цена од 91,50 денари за литар, додека ЕУРОСУПЕР БС-98 ќе достигне 93,50 денари за литар. Цената на двата бензина се зголемува за 4,50 денари за литар.
Повисока цена ќе има и екстра лесното масло за домаќинство, кое поскапува за 6 денари и ќе достигне 98,50 денари за литар. Кај мазутот, зголемувањето е 0,188 денари за килограм, со што новата цена ќе изнесува 43,726 денари за килограм.
Новите цени ќе стапат во сила од 18 август 2026 година во 00:01 часот и ќе важат како максимални малопродажни цени на нафтените деривати.
Веста ја пренесува Kurir.mk
