Пожарот во атарот на селото Рамни Габер сè уште е активен, а борбата со огнената стихија ќе продолжи и во текот на ноќта.
Огнената линија е долга, а во текот на целиот ден во гаснењето беа ангажирани три противпожарни авиони „ер-трактор“ на Дирекцијата за заштита и спасување. Иако нивното дејствување значително го забавило пожарот, огнот сè уште не е целосно изгаснат.
На терен денеска дејствуваа и припадници на скопската противпожарна бригада, со поддршка од огнените тимови на ДЗС, кои интервенираа со четири „пинц-гаури“.
Борбата со пожарот продолжува и во текот на ноќта, додека нова голема акција е предвидена за рано наутро. Најпрво на терен ќе дејствуваат пешадиските тимови, а потоа повторно ќе се приклучат трите „ер-трактори“ на ДЗС.
