Познатата пејачка Теа Таировиќ и нејзиниот сопруг Иван Вардај доживеале сообраќајна несреќа во Црна Гора, во ноќта меѓу 4 и 5 август. Инцидентот се случил околу еден часот по полноќ, на кружниот тек на влезот во Будва.
Според информации од очевидци, дошло до силен судир при кој автомобилот во кој се превезувале бил сериозно оштетен. Ударот бил толку силен што го слушнале и жителите од околните куќи, кои веднаш излегле да помогнат пред на местото да пристигнат полицијата и итната медицинска служба.
Сведоци велат дека најважно е што сите патници успеале сами да излезат од возилото и дека никој не се здобил со потешки повреди. Тие посочуваат дека оваа делница е позната по честите сообраќајни незгоди поради тесниот и недоволно осветлен пат, како и поради недоволната сигнализација во близина на кружниот тек.
Иако автомобилот претрпел голема материјална штета, Теа Таировиќ и нејзиниот сопруг поминале без сериозни последици. Пејачката, според сведоштвата, била видно вознемирена по несреќата, но откако било утврдено дека не ѝ е потребна дополнителна медицинска помош, го продолжила патувањето кон однапред закажаниот настап.
Настанот предизвика големо внимание во јавноста, а многумина испратија пораки со поддршка и олеснување по веста дека двајцата се во добра здравствена состојба, и покрај сериозно оштетеното возило.
Веста ја пренесува Blic.rs
