Вистинска драма се одиграла во турскиот град Мерсин, каде претседателот на Управниот одбор на еден туристички комплекс бил застрелан во својата канцеларија од засега непознат маскиран напаѓач.
Според информациите што ги пренесуваат турските медиуми, сторителот без да предизвика сомнеж влегол во просторијата, го поздравил присутниот со „добар ден“, а веднаш потоа испукал два истрела кои го погодиле во пределот на коленото. По нападот, напаѓачот избегал пред да пристигнат безбедносните служби.
Повредениот експресно бил пренесен во болница, каде лекарите му укажале медицинска помош. Според првичните информации, неговата здравствена состојба е стабилна и не е во животна опасност.
Полицијата спроведува интензивна истрага, трага по напаѓачот и ги испитува сите околности што би можеле да го откријат мотивот за вооружениот напад.
Настанот дополнително ја вознемири турската јавност бидејќи истиот човек и претходно бил мета на насилство. Пред околу еден месец тој бил физички нападнат во непосредна близина на истиот туристички комплекс, а и двата инциденти биле забележани од безбедносните камери, кои би можеле да имаат клучна улога во истрагата.
Веста ја пренесува Podzemje.mk
