Во екот на туристичката сезона, едно од најпознатите и најпосетувани крајбрежни села на Охридското Езеро – Трпејца, веќе четири дена е без вода за пиење. Жителите и туристите се соочуваат со сериозни проблеми, бидејќи немаат основни услови за нормално функционирање.
Недостигот од вода предизвика големо незадоволство кај мештаните, кои велат дека ваква состојба е недозволива во период кога селото е преполно со домашни и странски гости. Туристите, пак, се жалат дека не можат нормално да ги користат сместувачките капацитети, а дел од нив размислуваат и предвреме да го прекинат престојот.
Жителите бараат итна реакција од надлежните институции и трајно решение на проблемот, предупредувајќи дека ваквите ситуации сериозно го нарушуваат угледот на Трпејца како туристичка дестинација.
Засега нема официјална информација кога водоснабдувањето ќе биде целосно нормализирано, а граѓаните се надеваат дека проблемот ќе биде решен што е можно побрзо.
Веста ја пренесува 4news.mk
